W C A
زائرنا العزيز مرحبا بك

نظرا للتفاعل القوي بين اعضاء المنتدي

تم بحمد الله تطوير اللمنتدي الي منتدي vb

ولا ننسي بالدعاء كل من قام علي هذا التطوير

برجاء التحول الي الرابط التالي

http://wcatanta.eb2a.com/vb/index.php

[URL="http://wcatanta.eb2a.com/vb/forumdisplay.php?f=26"]http://wcatanta.eb2a.com/vb/forumdisplay.php?f=26[/URL]
شريط الاهداءات
اذاعه جمعية الرداء الابيض
الحلقة الاولي *********************** ةالحلقةالثاني *********************** الحلقة الثالثة والرابعه *********************** الحلقة الخامسة والسادسة والسابعه *********************** الحلقة الثامن والتاسعه والعاشره *********************** الحلقة العشرونه
بحـث
 
 

نتائج البحث
 


Rechercher بحث متقدم

الاخبار الثقافية
اخبار الجزيرة
<****** name="I1"align="center"marginWidth="4"marginHeight="4"src="http://www.arabghosts.com/jaz/jaz.php"width="100%"scrolling="no"height="28"border="0"target="_top"style="border-style:solid; border-width:0px;"frameborder="0">
المواضيع الأخيرة
» الي حبيبتي...سامح الكردي
الأحد يوليو 24, 2011 2:01 am من طرف EMAN Ellboudy

» مغامرات في المنيا....تاليف سامح الكردي
الجمعة يوليو 22, 2011 11:43 pm من طرف د/ رضوى عتلم

» أنا......وأنت
الجمعة يوليو 22, 2011 11:38 pm من طرف د/ رضوى عتلم

» مكائد ابليس
الجمعة يوليو 22, 2011 12:58 pm من طرف samehelkordy

» البحث عني - روايه مسلسله
الجمعة يوليو 22, 2011 12:54 am من طرف د/ رضوى عتلم

» قلتها .... ولن اندم
الخميس يوليو 21, 2011 8:42 pm من طرف Aya Rabia'a

» انتبـــــــــــــــــــــــــــاه
الأربعاء يوليو 20, 2011 10:40 pm من طرف د/ رضوى عتلم

» قل أحبك....
الأحد يوليو 17, 2011 10:52 pm من طرف د/ رضوى عتلم

» رسالة للعسكر
الخميس يوليو 14, 2011 11:33 pm من طرف samehelkordy

مركز الرداء لرفع الصور

مرحبا بكم فى مركز الرداء الابيض لتحميل الصور والملفات




الساعه الان
الساعه الان بتوقيت مدينة طنطا

التاريخ العربي والميلادي
امساكية رمضان 1432 هـ
اضغط هنا
العب شطرنج
لعبة شطرنج في العاب شمس

ولع النور

اذهب الى الأسفل

ولع النور

مُساهمة من طرف riham abdelstar في الأربعاء يونيو 22, 2011 4:34 am

ايوه مش هنطفي النور ... هنولعه ونتكلم ... هقول كل اللي في نفسي
بالنسبة لي كبنت كتابة موضوع عن التحرش أمر صعب جدا ...
و بالنسبة لي كلها مبررات لا ترقى ابدا لسبب مقنع للتحرش

هو أنت بتتحرش ليه .... أول ما تسأل السؤال دا لولد يطلع عليك بردين لا ثالث لهما ... الظروف الاقتصادية و شوف يا عم البنات عاملة ايه

لما تسأل بنت هو انتي بتحرشوا بيكي ليه ... الرد الأول والأخير ... قلة أدب .. قلة رجولة

هبدأ بالبنات الأول ... هو ازاي البنت بتساعد على التحرش بيها ... الامر الاول اللي يتبادر لذهن الجميع .... اللبس ..
الأمورة اللي بتلبس نص اللبس وتسيب الباقي في الدولاب دي !! ... ما هي الدنيا حر برضه
طيب هي ليه بتلبس وحش ؟؟ ..

ببساطة عشان دي فطرة اولا .. حب انها تبقى جميلة من وجهة نظرها .. واعذروها برضه مش شايف في الفليم الفلاني لما البطلة طلت بفستانها الشفاف ووشها المضروب الوان وشعرها اللي في الخلاط ... فاكر حركة الكاميرا البطيئة .. فاكر عيون البطل لما التقت بعيونها .. فاكر الحب الملتهب من اول طلة ... ليها حق برضه تقول ان دا سبب هيجبلها فارس الاحلام

أو السبب التاني .. التربية في البيت .. سواء عدم التربية الاخلاقية او الدينيه اللي بتخليها تلبس كدا عادي ... من منطلق بابا لارج
أو .. التربية على أن البنت أهم حاجة في حياتها أن توقع عريس ... فالكل يقولها يا بنتي البسي .. انتي صغيرة .. خليكي أثني .. ايه الاسترجال اللي أنتي فيه دا !!!

طيب ماشي كدا بقى عرفنا ان الولد له حق يبص و يتكلم و يمد ايده ... ولا ايه ؟؟

لاء طبعا ايه ونص وتلات ارباع ... هي معنى انها لبست وحش ان سيادتك مسموحلك تاخد حقك المسروق من التورتة !!...ايه جو الحيوانات دا ...
هو سيادتك مش قادر تمسك نفسك الكام ثانية اللي البنت ماشية فيها قدامك ؟؟
طيب هي لبست كدا توقع عريس ... هتروح تخطبها بعد ما تمد ايدك .. ولا اتسلى بيها والسلام ..

فيه بقى نوع تاني من البنات .... ضحكة رنانة ... نظرة ... تليفون ماشي ... اهي فتحتلي السكة .. براحتي بقى
براحتك ايه يا استاذ .... هي سايبة .. ما دا يا حاجة من اتنين ... يا بفلوس !!! ..... يا برضه بتوقع عريس !!!

نيجي بقى للولاد ... هو ايه يخلي ولد - و مش هقول راجل – يتحرش ببنت

غير موضوع اللبس ... اول ما تسأل ولد بتلاقي الجابة على طرف لسانه .. يكبهالك على طول

الظــــــــــــــــــــــــــــــــــــروف الإقتصادية .... ومفيش جواز .. وشوية سياسة تحبيشة على كلامه
هو دا يبقى سبب مقنع إلى حد ما لو بصيت للي بكلمه لقيته فوق التلاتين .. بس دا ماسك كتاب كلية في ايديه اهو
ولا التاني ابو مزكرة كيميا .. ويقولك البنات يا عم شووف عامليين ايه
والتالت ابو شنب يا دوب خط ... ولا الرابع المتجوز ... ولا الخامس ابو خمسين سنة وتلات عيال

ظروف ايه بقى ... وكمان فرضا ظروف وسيادتك مكبوت يا باشا ... كبتك دا تفضيه على خلق الله كدا
ايه علاقة البنت اللي ماشية في امان الله دي بيك ... اه ما انا بقى مكبوت ومصدقت لقيت فرصة .. الزق يا معلم

طيب عايز تفضي كبتك ... وعلى فكرة دا برضه كبيرة من الكبائر ... روح فضيه في مكانه بعيد عننا بقى
ولا روح ولع في نفسك وريحنا ... ولا روح اعتصم قدام مجلس الشعب ... المهم ابعد عنا

التحرش مبرراته كتيرة .. بس الاساس من وجهة نظري هو في الثنائي الشهير :
الــــــــــــــــــــتربيـــــــــــــــــــــــة و الاعــــــــــــــــــــــــــــــــــــلام

التربية بتأثر على الاتنين على البنت وعلى الولد :
بعيدا عن التربية الدينية والأخلاقية اللي لازم نلتزم بالحد الادني فيها في بيوتنا ... واللي بصراحة اصبحت في مصر متدنية للغاية .. ودا سبب مباشر وأساسي للتحرش
رغم ان كتب التاريخ ديما بتقول اننا شعب متدين !!!
متدين ولا متدني !!!! ... الحرف بس بتغير مكانه ...

كمان التربية العقلية معدومة تقريبا في بيوتنا ... معظمنا اتأدب ما اترباش
طيب ودا ماله ومال التحرش بقى ... اقولك أنا ....

البنت زي ما قلتلك فوق .. من يوم ما تتولد وتتعرف انها بنت .. اول سؤال تسأله امها .. هي حلوة ؟؟؟
يغيظوها ويقولوا لاء وحشة .. عمرها ما هتتجوز ... وهنا ترتبط كلمة بت بالجواز طول حياتها .. تعمل اللي تعمله المهم في الاخر توقع عريس ... تلبس اللي عايزاه ... المهم نلاقيه في يوم شابك في ديلها !!!

أما الولد بقى ... من أول ما يبدأ يمشي يقولك راجـــــــــــــــــــــــل ... ومعنى راجل دي غريبة شوية في بيوتنا
يعني يطلع ويدخل براحته .. راجـــــــل .... محدش بيسأله عن حاله .. ما هو راجل ... اصحابه .. يا عم راجل ... لحد ما الباشا يفتكر إن الرجولة هــــــــــــــــز أكتاف مش أدب

وتنحصر تربية الولد في بلدنا ضد التحرش في كلمة واحدة ... أختك ... ترضى لنفسك يتعمل في اختك كدا ؟؟ ... ترضى لنفسك يتقال عليك كذا وكذا ؟؟ ... ترضى لنفسك ءاااا .... استوب كدا شوية .. ترضى لمين ؟؟؟ .. لنفسك !!! ... ايون بالظبط كدا
بنربيه على كاف الخطاب مش تاء التأنيث ... ايه ؟؟؟ ... ايون .. يعني المشكلة مش في ان البنت تم التحرش بيها .. المشكلة انها اختك ... اه اختك ... يعني لو اخت حد تاني ميضرش ... يعني لو انت ملكش أخوات بنات .. يا سلام ... تبقى فلة شمعة منورة ..

أما بقى الإعلام ودا بقى المصيبة الكبرى ... عشان ابدأ اتكلم معاك فيه هطلب طلب صغير كدا ... ممكن تقوم عشر دقايق بس وتروح تفتح روتانا سينيما واسمع كلامهم ومتغمضش عينيك ..

ها جيت ... اخدت جرعة كويسة ولا لاء .. هنشوف ..

سمعت الضحكة اياها في الشقة اياه ولا لاء؟؟
شفت الملابس الغاية في الشفافية .. تقريبا بيعوضوا بيها شفافية الحكومة اللي مش لاقينها دي ... ؟؟
شفت ابو شنب يا دوب خط في وشه .. وفي ايده سيجارة .. ومش بعيد ازازة في الايد التانية .. شفته وهو بيتكلم عن المصلحة اللي مستنباهم ؟؟
شفت البنت اللي يا عيني مش لاقيه تصرف على اهلها و مضطرة تشتغل من اياهم؟؟ .. كان فيلم تراجيدي رائع
شفت مشاكل الييت المصري اللي بقت تنحصر في المشاكل الجنسية وفقط ؟؟
شفت الفليم بتاع العشوائيات .. اللي ساب الاكل الزبالة والمياه اللي مش موجودة .. والعيال الي بتموت من الجوع والمرض ومركز على ايه ؟؟

طيب هنعلى بمستوانا شويه ....
شفت البنت اللي عايشة قصة حب ملتهبة وحبيبيها فقير ... مضطرين يعملوا ايه ؟؟
شفت الوجبة الكوميدية في الفيلم اللي كلها ايحاءات وقرف ؟؟
شفت السبب الرئيسي لسقوط الكبار في الافلام هو ايه ؟؟ .. طبعا علاقة من اياهم ..

وخد من دا كتير يا معلم
طيب بالذمة مش من بعد الوجبة الغزيرة دي من حقك تدور على بتاعة تطلع فيها كبتك يا راجل

ايون صح من حقي ... حلوة اللي جاية من بعيد دي .. هي دي بقى تسلية الليلة ... استوب يا باشا .. دي أختك
لا بتكلم بجد اختك ... يا بني بجد اختك بنت امك وابوك
وايه اللي عملاه في نفسها دا ... يا راجل مش عارف ... ما انتم من نفس البيت ونفس التربية ..

لو لسه مش عارف برضه فيه ايه ....... ولع النور و شوف ...


بمناسبة يوم التدوين ضد التحرش في مصر

riham abdelstar

عدد المساهمات : 45
تاريخ التسجيل : 10/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ولع النور

مُساهمة من طرف samehelkordy في الأربعاء يونيو 22, 2011 10:10 pm

شوفت الفليم بتاع العشوائيات .. اللي ساب الاكل الزبالة والمياه اللي مش موجودة .. والعيال الي بتموت من الجوع والمرض ومركز على ايه ؟؟

موضوع كله رائع

والفقرة دي من اقوي العبارات اللي لاقيتها قريبة جدا من الكلام اللي بقوله

وتحياتي للفكر الرائع اللي مميز منتدانا


********************

^-^-^-^-^-^-^-^-^-^-^




avatar
samehelkordy

عدد المساهمات : 205
تاريخ التسجيل : 15/03/2011
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ولع النور

مُساهمة من طرف riham abdelstar في الخميس يونيو 23, 2011 12:50 am

وتحياتي للفكر الرائع اللي مميز منتدانا

لا والله المنتدى مميز بأهله
مجموعة رائعة من الموهبين
شرف ليا الانضمام لكم Smile

riham abdelstar

عدد المساهمات : 45
تاريخ التسجيل : 10/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ولع النور

مُساهمة من طرف د/ رضوى عتلم في السبت يوليو 09, 2011 11:07 pm

ريري................كالعاده هايله
تحياتى

********************

^-^-^-^-^-^-^-^-^-^-^
[b]لا تسر أمامى فقد لا اتبعك ... ولا تسر خلفى فقد لا اقودك ...فقط سر بجانبي وكن صديقي \\\"--ألبير كامو[/b]
avatar
د/ رضوى عتلم

عدد المساهمات : 194
تاريخ التسجيل : 24/03/2011
العمر : 28

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى